Një agjent i Shërbimit Amerikan të Emigracionit dhe Doganave (ICE) qëlloi për vdekje një 26-vjeçar në shtetin Maine, në një incident që ka shkaktuar reagime të forta në Shtetet e Bashkuara dhe ka rikthyer në qendër të debatit mënyrën se si zhvillohen operacionet kundër emigracionit. Ngjarja ndodhi në qytetin Biddeford, vetëm një javë pasi një tjetër agjent i ICE vrau një burrë meksikan në Teksas, duke shtuar kritikat ndaj politikave të administratës së Presidentit Donald Trump dhe përdorimit të forcës gjatë arrestimeve. Sipas Departamentit amerikan të Sigurisë Kombëtare (DHS), viktima ishte një emigrant me urdhër përfundimtar dëbimi, i cili gjatë një operacioni tentoi t'i shpëtonte kontrollit me automjet. Autoritetet pretendojnë se makina lëvizte në drejtim të oficerit, i cili hapi zjarr duke argumentuar se veproi për të mbrojtur sigurinë publike.