Një turiste italiane humbi jetën si pasoje e një aksidenti rrugor në Pogradec. Aksidenti ndodhi ne aksin nacional Pogradec - Lin, në afërsi të vendit të quajtur "Guri i Kuq" ndërsa 31 vjeçarja Elena Radeli nga Milano ishte duke drejtuar motorin kur u godit nga një kamioncinë. Nga Ekspertiza paraprake e vendngjarjes dyshohet se 31 vjeçarja ka qene duke kaluar nga një krah i rrugës në tjetrin kur është përplasur nga automjeti dhe për pasoja ajo është dëmtuar rëndë. Edhe pse u dërgua në spital dhe më pas u transportua drejt Tiranës e reja nuk mundi të mbijetojë ndërsa policia arrestoi drejtuesin e kamionçinës. Elena Radeli nuk është turistja e pare që humb jetën në një aksident rrugor me motor në Shqipëri. Dy turiste te tjere italiane teksa udhetonin me motor humben jeten nje muaj me parë si pasoje e nje aksidenti në aksin rrugor Sarandë - Ksamil.