Të paktën 6 persona kanë humbur jetën në një aksident me një nëndetëse që ndodhi teksa po transportonte anëtarë të ekuipazhit dhe 45 turistë rusë në Egjipt, thanë zyrtarët. Ambasada e Rusisë në Egjipt konfirmoi në një deklaratë të marrë nga ABC News se një aksident ka ndodhur të enjten në mëngjes ku përfshihej një nëndetëse që mbante anëtarë të ekuipazhit dhe 45 turistë, të gjithë shtetas rusë, në Detin e Kuq më pak se një milje larg brigjeve të Hurghada në Egjipt. Siç raportojnë autoritetet, 6 persona janë gjendur të pajetë, teksa të plagosurit janë transportuar për të marrë trajtim në spital, teksa shtojnë se po punojnë për të zbuluar rrethanat që shkaktuan këtë aksident. Hurghada është një destinacion popullor turistik për plazhistët përgjatë Detit të Kuq dhe i preferuar për zhytje.