Një grua 34-vjeçare e cila kujdesej për një çift të moshuar ka vjedhur më shumë se 75,000 £ nga llogaria e tyre bankare. Rebecca Fidler, 34 vjeç, ishte punësuar për të ndihmuar çiftin në Carlisle, Cumbria për shkak të moshës së thyer. Çifti i besoi asaj kartën bankare për të tërhequr pensionin e tyre, por ajo ia harxhoi të gjitha kursimet e jetës. Bill Gass, një veteran i Marinës Mbretërore i cili shërbeu në flotën e Princit Philip në Luftën e Dytë Botërore, dhe gruaja e tij Annie thanë se nuk kishin asnjë ide se çfarë po bënte Fidler. Gass fatkeqësisht vdiq dhjetorin e kaluar përpara se Fidler të dilte para drejtësisë. Një hetues aportoi në policinë e Cumbria se shuma të mëdha parash ishin transferuar nga llogaria e të moshuarve në një llogari tjetër që i përkiste Fidler. Çifti u trondit kur zbuloi se i kishin mbetur vetëm rreth 2000 £. Banka ku çifti kishte hapur llogarinë e ka rimbursuar zonjën Gass me 40,000 £. Pamjet: AFP