Çdo ditë mesatarisht policia e Tiranës shoqëron nga 4 deri në 5 persona që konstatohen në aksione rastësore me doza droge, më së shumti kanabis e me tej kokainë, por edhe ekstazi. Por fenomeni i përdorimit të drogës po prodhon krime si dhuna në familje, grabitjet me dhunë por edhe plagë sociale dhe drama familjare. Në kontekstin e këtij fenomeni në gjykatën e Tiranës po vërehet një tjetër trend, ndërhyrja e shërbimeve sociale që u heqin kujdestarinë prindërve përdorues dhe me vendim gjykate ia kalojnë shtetit, mbasi ata nuk janë në gjendje të kujdesen për ta.