Disa ditë më parë, një ngjarje e rëndë tronditi Italinë, ku Aurora Tila, një 13-vjeçare shqiptare humbi jetën në Piacenza, pasi dyshohet se u hodh nga kati i shtatë nga ish i dashuri i saj. Në një intervistë për mediat italiane e motra e Aurorës, Viktoria u shpreh se motra e saj nuk ka vrarë veten dhe se dyshimet janë te ish i dashuri i saj 15-vjeçar. Ajo ka rrëfyer se adoleshenti ishte obsesiv dhe kishte sjellje të çuditshme. Aurora ishte një princeshë e vogël, ishte bjonde me sy të çelur dhe kishte sjellje të mirë. Ishte elegante në mënyrën e saj. Aurora ishte e shkëlqyer, do të bëhej psikologe që të ndihmonte njerëz si ai përbindësh. Menjëherë e kuptova se nuk e kishte vrarë veten, se nuk do ta kishte bërë kurrë diçka të tillë. Motra ime ka qenë gjithmonë plot jetë, gjithmonë ka pasur një respekt të madh për jetën dhe nuk do ta kishte bërë kurrë diçka të tillë. Që në momentin e parë kuptova që se ishte ai (ish-i dashuri) sepse ishte i fiksuar ndaj saj, gjithnjë e më i çuditshëm dhe që përkeqësohej me kalimin e kohës, e dija se ishte ai, e përsërisja vazhdimisht. Ai thoshte se i vinte keq për veten, tha se kishte shumë probleme familjare dhe se nuk e bënte me qëllim, por në të vërtet e dinte shumë mirë se çfarë po bënte. Ditën e parë që e takova kuptova që kishte disa probleme, se diçka nuk shkonte. Jo për të arritur deri këtu, por diçka nuk ishte në rregull. Ai ishte një djalë që shkonte vërdallë duke u përpjekur t’i rrihte të gjithë, duke u përpjekur t’i trembte të gjithë. Ai nuk lejonte askënd që t’i afrohej Aurorës apo atij”, thuhet në deklaratën e motrës së viktimës.