Një ditë pas ngjarjes së ndodhur në zonën e Radhimës, ku gjatë mbrëmjes së djeshme u përfshi nga flakët një beach bar familjA Çanaj, pronarëve të biznesit të djegur thotw se zjarri është vendosur në mënyrë të qëllimshme. Gjatë ditës së sotme, në vendngjarje kanë mbërritur forcat e Policisë së Vlorës, të cilat po marrin në pyetje pronarët dhe familjarët e biznesit. Uniformat blu kanë sekuestruar gjithashtu kamerat e sigurisë të bizneseve përreth, si edhe ato të familjes Çanaj, me qëllim identifikimin e autorit të dyshuar. u shpreh se prej kohësh familja ka pasur konflikte për çështje pronësie. Ajo tregoi se mbrëmjen e djeshme, rreth orës 21:40, kishte dëgjuar hapa pranë lokalit dhe vetëm një minutë e gjysmë më pas kishte shpërthyer zjarri. Sipas saj, dyshimet për zjarrvënie të qëllimshme përforcohen edhe nga fakti se në momentin e ngjarjes objekti nuk kishte energji elektrike, pasi furnizimi ishte ndërprerë më herët. Ndërkohë, policia vijon hetimet, duke marrë në pyetje banorë dhe familjarë, si edhe duke analizuar pamjet filmike, për të identifikuar autorin, i cili sipas pronarëve dyshohet se është larguar nga kodrat e fshatit Radhimë.