Policia bastisi këtë të mërkurë zyrat e federatës spanjolle të futbollit. Agjëntët u panë të hynin dhe të merrnin dokumente të ndryshme për shkak të hetimeve që po kryen për përfshirjen e zyrtarëve të lartë në afera korrupsioni. Sipas mediave spanjolle, ish-shefi i RFEF, Luis Rubiales dyshohet se ka nënshkruar kontrata korruptive me qëllim që ndeshjet e superkupës spanjolle të zhvillohen në Arabinë Saudite. Kontratat e nënshkruara kapin vlerën 40 milionë euro në vit dhe janë rregulluar me kompaninë Kosmos të ish-futbollistit Gerard Pique që vepron si ndërmjetës. Operacioni përfshinte kërkime në vende të ndryshme në të gjithë Spanjën, si dhe zyrat qëndore të federatës në Las Rozas, në skaj të Madridit, dhe pronën e Rubiales në Granada, megjithëse 46-vjeçari aktualisht ndodhet jashtë Spanjës. Rubiales dha dorëheqjen me turp në shtator pasi puthi me forcë yllin e Kupës së Botës për femra, Jenni Hermoso për të provokuar zemërim në mbarë botën, pas triumfit të Spanjës në finalen e Sidneit në gusht.