Shërbimi Sekret i SHBA do të fillojë të mbrojë anëtarët e ngushtë të familjes së presidentit të zgjedhur Donald Trump në ditët në vijim, ndërkohë që periudha e kalimit nga administrata e Joe Biden te ajo e Trump-it do zhvillohet gjatë muajve të ardhshëm. Ky veprim, një pjesë e zakonshme e kalimit nga një president te tjetri, vjen në një moment kur Shërbimi Sekret është i ngarkuar për shkak të rritjes së masave të sigurisë për Trump-in pas tentativës për ta vrarë atë në, Pensilvani, këtë verë dhe një tentativë të dytë të dyshuar në Florida në shtator. Agjentët janë tërhequr nga detyrat hetimore për t’i ndihmuar në plotësimin e boshllëqeve në detyrat e sigurisë, një çështje që mund të ulet disi pasi udhëtimet e Trump-it për fushatën kanë përfunduar. Përpjekja për të dytën herë këtë vit për të vrarë Donald Trump, ishte një kujtesë se pavarësisht buxhetit masiv vjetor prej 3,2 miliardë dollarësh të Shërbimit Sekret të SHBA-së, mbrojtja nuk është gjithmonë efektive.