Dy persona kanë gjetur vdekjen në një banesë në kryeqytet pasditen e sotme pasi janë asfiksuar nga rrjedhja e gazit. Ngjarja e rëndë ka ndodhur në rrugën “Marije Kraja” në Tiranë, rreth orës 17:20 ku kanë humbur jetën Altin Maksuti 47 vjeç dhe një afërm i tij i shtetasi Vladimir Bengu, rreth 56 vjeç. Altin Maksuti jetonte prej kohësh në Greqi, por ditët e fundit ishte kthyer në Shqipëri për të bërë disa punime në banesën e tij. Kanë qenë familjarët e tij që kanë bërë denoncim pasi 47 vjeçari nuk përgjigjej në telefon. Pasi kanë shkuar në banesë dhe kanë hapur derën i kanë gjetur të dy të pajetë me ngrohësen e gazit të ndezur. Dyshohet se kanë qenë në gjumë të dy dhe e kanë harruar ndezur. Policia bën me dije se grupi hetimor nën drejtimin e Prokurorisë po punon për sqarimin e rrethanave dhe dokumentimin e plotë ligjor të ngjarjes.