CNN konfirmon se Izraeli dhe Hamasi kanë rënë dakord të zgjasin armëpushimin 4 ditor mes tyre edhe me dy ditë të tjera, për të liruar më shumë pengje izraelite, por edhe të burgosur palestinezë. Arritjen e marrëveshjes së re e njoftoi edhe ministri i jashtëm i Katarit që së bashku me Shtetet e Bashkuara të Amerikës kanë marrë pjesë në negociatat mes Izraelit dhe Hamasit. Marrëveshja e re vjen pasi presidenti amerikan Joe Biden zhvilloi një telefonatë me kryeministrin e Katarit, ndërkohë që zëdhënësi i qeverisë izraelite Eylon Levy në një deklaratë të tijën shpresote për lirimin e të paktën 50 pengjeve të tjera. Kushti i ri i marrëveshjes së arritur detyron Hamasin të lirojë 10 pengje shtesë për çdo ditë pauze në luftime, ndërkohë që Izraeli do të lirojë tre herë më shumë palestinezë në këmbim të 10 pengjeve.