Situata e përmbytjeve në Durrës vazhdon të mbetet ende kritike. Ndonêse uji eshtë tërhequr nga rrugët kryesore në të cilat qarkullimi është kthyer në normalitet, në rrugët dytësore të zonave më të prekura nga përmbytjet e një dite më parë, prania e ujit ka sjell izolim të banorëve tê cilët ndodhen në pritje të grupeve të emergjencës civile që ndodhen në terren për të ndërhyrë dhe në to. 300 banesa, 200 prej të cilave në zonën e ish-Kënetës dhe të tjera në Shkozet, Plazh e zonat rurale janë evidentuar të përmbytura nga autoritetet vendore. Uji ka depërtuar dhe në katin e parë të burgut të Durrësit. Grupet e punës janë të shpërndara në terren për të normalizuar situatën, ndërsa ka nisur puna dhe për verifikimin e dëmeve. Në mbështetje të emergjencave civile, ndërmarrjeve bashkiake dhe zjarrfikësave të Durrësit dhe Autoritetit Portual kanë mbërritur edhe Forcat e Armatosura. Katër familje, kryesisht të moshuar, të cilët një natë më parë u evakuuan dhe e kaluan natën në Konvaleshencë e MB janë kthyer pranë shtēpive, por pa mundur të hyjnë në to. Edhe dhjetra familje të tjera të dëmtuara presin ende ndihmë për të larguar ujin nga shtëpitë e tyre.