Një punonjës policie u aksidentua mbrëmjen e së enjtes në qytetin e Durrësit. Ai u përplas nga një automjet, ndërsa po kalonte në vijat e bardha, para Drejtorisë Vendore të Policisë Durrës. Ngjarja u regjistrua rreth orës 6:35, në lagjen nr. 8 të qytetit bregdetar, para godinës së policisë. Një automjet e ka përplasur efektivin e policisë së Komisariatit të Durrësit, i cili ishte duke kaluar në vijat e bardha për këmbësorët. E ndërsa punonjësi i aksidentuar i policisë u dërgua menjëherë në spital, ku ndodhet nën kujdesin e mjekëve, drejtuesi i automjetit është ndaluar nga kolegët e tij për shkelje të rregullave të qarkullimit rrugor. Ndërsa po punohet për zbardhjen e plotë të rrethanave të këtij aksidenti, autoritetet policore pritet të ndërmarrin edhe fushata ndërgjegjësuese, si dhe të forcojnë më tej masat e sigurisë në rrugë.