Një 40-vjeçare iu lut gjykatësit të mos dënojnë burrin e saj, teksa ndiqte seancën në një gjykatë në Selanik. Ai akuzohej për dhunë në familje dhe vetëm disa orë më parë, e kishte rrahur 40-vjeçaren dhe e kishte hedhur me dhunë mbi shtratin e fëmijëve që po flinin. Një nga gjyqtarët e habitur nga kërkesa e gruas e pyeti: Do të na çmendësh? Çfarë po na thoni? Ai po ju godet me shqelma dhe grushte dhe ju po e justifikoni? Kjo nuk është hera e parë që 40-vjeçarja që ka rënë pre e dhunës nga bashkëshorti. Disa kohë më parë ajo ka qepur pjesën e djathtë të kokës nga dhuna e ushtruar dhe askush nuk e kishte denoncuar. “E di që ai ka një dashnore dhe kjo është arsyeja pse ne kemi më shumë zënka. Mirëpo shpirti ime më tha që të bëj përpjekje që të mos ndahemi sepse kemi vite bashkë”, tha ajo në gjykatë përpara se të përfundonte dëshminë e saj.