Drejtuesit e automjeteve duhet të jenë më të kujdesshëm ndërsa drejtojnë makinën. duhet të rrespektojnë rregullat e qarkullimit rrugor edhe aty ku nuk ka punonjës policia pasi dronat e policisë rrugore dokumentojnë cdo shkelje sidomos në zonat urbane. Një ndër objektivat e "Dronit Edukues"është rritja e sigurisë rrugore, nëpërmjet kontrollit ndaj manovrave në rrugë, të përdoruesve të rrugës, me qëllim respektimin e rregullave të qarkullimit rrugor. Ne këtë video evidentohen drejtues të mjeteve te cilët nuk u japin përparësi mjeteve të tjera në kryqëzim, duke mos zbatuar tabelën urdhëruese “STOP”, si dhe nuk përmbushin detyrimin e ndalimit të plotë të mjetit, deri në shpejtësinë 0 km/h, para vijës së ndalimit, përpara se të futen në kryqëzim. Për shkeljet e kryera, këto drejtues mjetesh u ndëshkuan me masa administrative nga 5000 deri në 8000 lekë të rinj.