Një avion luftarak rus është përplasur me një dron amerikan, duke bërë që avioni pa pilot të rrëzohet në Detin e Zi, thotë ushtria amerikane. Sipas raportimeve droni ishte në një mision rutinë në hapësirën ajrore ndërkombëtare kur dy avionë rusë u përpoqën ta kapnin atë. Komanda evropiane e SHBA-së tha se rrëzimi ishte rezultat i një "veprimi joprofesional nga ana e rusëve". Forcat amerikane dhe aleate do të vazhdojnë të operojnë në zonë, thuhej më tej në deklaratë. Nga Rusia nuk ka asnjë informacion për incidentin. “Aeroplani ynë MQ-9 po kryente operacione rutinë në hapësirën ajrore ndërkombëtare kur u kap dhe u godit nga një avion rus, duke rezultuar në një përplasje dhe humbje të plotë të MQ-9”, tha gjenerali i Forcave Ajrore të SHBA-së, James Hecker. Dronët MQ-9 Reaper janë avionë të mëdhenj pa pilot të krijuar për mbikëqyrje në lartësi të madhe.