Ushtria holandeze njoftoi se një F35 i saj ndoqi nga pas dhe shkatërroi disa dronë rusë që shkelën hapësirën ajrore të NATO-s. Dronët janë goditur mbi Poloni. Për gjurmimin e mjeteve pa pilotë që hynë në qiellin e vendin anëtar të aleancës, kjo e fundit nuk ka ngurruar të përdorë dhe avionët më të avancuar ushtarakë që ka në dispozicion. Foto e publikuara prej ministrisë holandeze të mbrojtjes tregojnë një shenjë në krahun e pilotit në pjesën e jashtme të avionit F35, e cila sic shpjegon Business Insider shënohet vetëm kur një avion i tillë rrëzon një numër të madh dronësh, pa specifikuar megjithatë sa me saktësi. Shenja të tilla i shtohen avionëve në shenjë fitoreje, shpjegohet në shkrim. Kjo traditë ka nisur gjatë Luftës së Parë Botërore me daljen në pah të aviacionit ushtarak, e vazhdon ende edhe sot. Avionë amerikanë Super Hornet-ë ër shembull, u panë vitin e kaluar me shenja të tilla gjatë operacioneve në Detin e Kuq kundër rebelëve Huthi të mbështetur nga Irani. Avionët perëndimorë, përfshirë F-35-sat holandezë, janë ngritur në ajër disa herë në përgjigje të avionëve ruse që pikasur pranë hapësirës ajrore të NATO-s që nga fillimi i pushtimit të plotë të Ukrainës në shkurt 2022. Incidenti mbi Poloni, megjithatë, shënoi herën e parë që avionët e NATO-s shkatërruan mjete ajrore ruse brenda hapësirës ajrore të aleancës.