Operacioni më i fundit i Spak hedh dritë mbi rivalitetin e bandave më të rrezikshme të viteve të fundit. Ajo që është karakteristikë për këta grupe kriminale është dhuna e egër e treguar në kryerjen e krimeve, me pasoja shumë të rënda . Pjesëtarë të një grupi kriminal në raste të ndryshme bashkëpunojnë me grupe të cilët janë kundërshtarë të njëri – tjetrit. Në qendër të tyre është grupi kriminal i krijuar dhe drejtuar nga Ervis Martinaj që kishte lidhur aleancë me grupin kriminal i cili vepronte në qytetin e Lezhës drejtuar nga Arben Ndoka. Këta dy grupe kanë kontaktuar anëtarë të një grupi tjetër cili vepronte në qytetin e Durrësit dhe kanë rekrutuar vrasës me pagesë të cilët veprojnë kryesisht në zonën e Fushë – Krujës dhe në zonën e Burrelit. Po kështu për të realizuar qëllimet kriminale Ervis Martinaj kontakton Viktor Imerin sapo kishte përfunduar vuajtjen e dënimit me dhe burgim i kërkon vrasjen e F.H. Në ndihmë të grupeve kriminale të drejtuaranga Ervis Martinaj dhe Arben Ndoka vjen edhe Emiljano Shullazi së bashku me një tjetër person të cilët edhe pse në kushtet e paraburgimit ndihmojnë Ervis Martinaj dhe Arben Ndokën për t i bërë atentat Durim Bamit që nga ana e tij ka një grup kriminal në zonën e Fushë Krujës.Banda e drejtuar nga Durim Bami bën aleancë me një grup kundërshtar të Ervis Martinaj dhe që drejtohet nga Leonard Duka dhe Fatmir Hyseni, persona me precedentë të theksuar kriminalë, me qëllim vrasjen e Ervis Martinaj dhe Arben Ndokës dhe anëtarëve të tjerë të këtyre grupeve kriminale. Në dinamikën e hetimit të këtij procedimi penal, janë grumbulluar prova që krijojnë dyshimin e arsyeshëm se shtetasi Durim Bami në bashkëpunim me shtetasin Altin Morina me detyrë efektiv i forcave “Renea” në kohën e kryerjes së krimit kanë organizuar kultivimin e bimëve narkotike në zonën e Niklës dhe Tapizës. Klodian Shahini me detyrë me detyrë Shef i Seksionit të Trafiqeve të Paligjshme dhe Narkotikëve në Drejtorinë Vendore të Policisë, Lezhë, si pjesë e grupit të strukturuar kriminal ndihmonte shtetasin Edison Reci., duke i dhënë informacion në lidhje me automjetet dhe hyrje-daljet e rivalit të tij Preng Gjini. Nga hetimi është evidentuar gjithashtu edhe përfshirja e një ish Deputeti, katër punonjës policie, dy prej tyre në role drejtuese, gjatë vitit 2020 të përfshirë në aktivitet të paligjshëm kultivimi narkotikësh dhe lojërash fati.