Kristian Boçi dhe bashkëshortja e tij, Drilona Boçi, të cilët dyshohen se janë përfshirë në një skemë të pastrimit të parave në vendin tonë kanë pasur një miqësi të ngushtë me artistët Bes Kallaku dhe Xhensila Myrtezaj. Dy çiftet kalonin kohë së bashkë, duke qenë të pranishëm në festat dhe eventet e organizuara nga njëri-tjetri, madje Drilona organizoi festën e beqarisë në jaht për Xhensilën. Por gjithçka përfundoi në vitin 2018, kur miqësia e çifteve u kris. Por, pas ndarjes së Besit me Xhensilën së fundi, nuk mungoi reagimi i boksierit. Kur Besi publikoi këngën e fundit, Kristani e postoi në Instagram-in e tij duke thumbuar drejtpërdrejt Xhensilën. “Mosmirënjohja. Më vjen keq vëllai im po më beso ke shpëtuar një herë e mirë nga qoftë largu. Të pata thënë vëlla. Bes Kallaku”, shkruante ai. Pasuritë me vlerë 50 milionë euro të Krisjan Boçit, të dënuar për drogë në Belgjikë dhe 6 personave të tjerë, u sekuestruan nga Prokuroria e Tiranës, pasi dyshohet se ishin përfshirë në skemën e pastrimit të parave në Shqipëri.