Abigeila Voshtina është shkarkuar nga posti i si Drejtoreshë e Teatrit të Operës dhe Baletit pas një vendimi të miratuar nga Këshilli i Ministrave një ditë më parë. Në lidhje me këtë vendim ka reaguar Armaldo Kllogjeri, i njohur si “maestro”, i cili ka komentuar vendimin për shkarkimin e Voshtonës, përmes një postimi në rrjetin e tij social TikTok. Armaldo, i cili pretendon se është shkarkuar padrejtësisht nga puna, thotë se me ardhjen e drejtorit të ri, shpreson të kthehet në vendin që i takon. Video 1 “Karma is the b**ch! Besoj e keni marrë vesh që para dy ditëve është shkarkuar nga detyra e drejtorllëkut drejtoresha e Teatrit të Operës dhe Baletit. Ej! Zoti vonon, por nuk harron. Duhet ta dini që populli thotë “kush ia bën gropën tjetrit, bie vetë brenda. Uroj që me ardhjen e drejtorit të ri, mua të më hapet drita jeshile dhe të kthehem në vendin që më takon”, shprehet maestro. Një një video reagim për komentet negative kohë më parë, Armaldo tha se Teatrin e Operas dhe Baletit e ka hedhur në gjyq, pasi një muaj para se të përfundonte “Big Brother Vip”, ku ai ishte konkurrent, e pushuan nga puna pas 20 vitesh karrierë.