Kreu i Byrosë Federale të Hetimeve, Christopher Wray ka njoftua se do të japë dorëheqjen nga posti i tij përpara se presidenti i sapozgjedhur Donald Trump të marrë detyrën muajin e ardhshëm. Ëray njoftoi largimin e tij, në një takim të brendshëm të FBI-së të mërkurën, ndërsa më herët Presidenti i ardhshëm Donald Trump kishte shprehur publikisht dëshirën për ta zëvendësuar atë me Kash Patel, një besnik i vjetër i cili ka bërë thirrje për kufizimin "dramatik" të autoritetit të FBI-së. Wray, i cili u emërua pikërisht nga Trumpi në 2017 për të shërbyer një mandat 10-vjeçar, është përballur me kritika gjatë mandatit të tij nga republikanët për shkak të hetimeve të FBI-së ndaj Trumpit pasi ai u largua nga detyra. Që Patel të merrte këtë detyrë, drejtori aktual i FBI-së, Christopher Wray, do të duhej të jepte dorëheqjen ose të pushohej. Trump në postimin e para disa ditwve u tregua i kujdesshëm që të mos bënte thirrje për këtë, por mesazhet ishin të forta dhe të qarta: Wray duhej të ikte. Ndërsa rreth një orë pas njoftimit, presidenti i zgjedhur reagoi i lumtur. “Dorëheqja e Christopher Wray është një ditë e mrekullueshme për Amerikën pasi do t'i japë fund armatimit të asaj që është bërë e njohur si Departamenti i Padrejtësisë së Shteteve të Bashkuara", shkroi Trump në Truth Social.