Një ministre angleze ka dhënë dorëheqjen nga qeveria e Keir Starmer, duke i kërkuar kryeministrit të “caktojë një afat kohor për një tranzicion të rregullt”. Miatta Fahnbulleh, e cila shërbeu si ministre e komuniteteve, është ministrja e parë e qeverisë që jep dorëheqjen nga puna për shkak të humbjes së zgjedhjeve. Ajo shkruan në një postim në X se ia dërgoi letrën e dorëheqjes kryeministrit këtë mëngjes. Në letrën e saj të dorëheqjes, ministrja theksoi se pavarësisht arritjeve të qeverisë Starmer, duket qartë që Mbretëria e Bashkuar kërkon ndryshim. Më tej ajo shprehu se as ajo e as populli britanik nuk mendojnë që Starmer është personi i duhur për ta udhëhequr vendin drejt këtij ndryshimi. Starmer mblodhi sot qeverinë e tij pas humbjes katastrofike që Partia Laburiste pësoi në zgjedhjet lokale të javës së kaluar përballë partisë së ekstremit të djathtë të Nigel Farage, ‘arkitekti’ i BREXIT. Pas humbjes zërat kundër tij që kërkojnë dorëheqjen e kryeministrit janë rritur, por vetë Starmer ka deklaruar se nuk ka ndërmend të lë nw gjysmë mandatin e tij.