Një cështje private që nuk e dobëson qeverinë: Kështu e përshkroi kryeministrja italiane Giorgia Meloni dorëheqjen e ministrit të kulturës, Gennaro Sangiuliano. “E falenderoj Sangiulianon për punën që ka bërë këto dy vite. Si gjithmonë, kur ti ndërton dicka bën më pak zhurmë e bujë, por puna që ai ka bërë ka qenë e rëndësishme, sic është rritja e ndjeshme e numrit të vizitorëve dhe e të ardhurave nga realitetet e shumta kulturore që ka Italia. Ishte një zgjedhje inteligjente për të ndërprerë turpin e muzeve dhe siteve arkeologjike të mbyllura gjatë pushimeve dhe për të nisur projekte të mëdha që kishin ngecur për dekada”, u shpreh Meloni për Corriere della Sera. Prej disa kohësh në një lidhje jashtëmartesore të bërë publike vetëm së fundi, Sangiulianou detyrua të japë dorëheqjen, pasi e dashura e tij pretendoi se i kishte dhënë asaj një punë si këshilltare në qeveri e se kishin zhvilluar edhe udhëtime me paratë e buxhetit të shtetit. Në letrën e paraqitur, ministri falenderonte shefen e ekzekutivit për mbrojtjen që i kishte bërë pasi fillimisht, ajo nuk e pranoi dorëheqjen e tij. 62-vjeçari kishte pasur një lidhje me një influencuese të medieve sociale, më shumë se 20 vite më të vogël se ai.Më 26 gusht, 41-vjeçarja Maria Rosaria Boccia ksihte bërë një postim në Instagram për ta falënderuar për emërimin e saj si këshilltare për evente të mëdha, përfshirë një takim të ministrave të Kulturës të G7-s, të planifikuar për në fund të shtatorit në Pompei.