Një person me shtetësi të dyfishtë amerikane dhe gjermane u arrestua me akuzën se do të digjte ambasadën amerikane në Tel Aviv të Izraelit, sipas departamentit të drejtësisë. Zyrtarët thanë se arrestuan Joseph Neumayer, 28 vjeç, në aeroportin John Kennedy në Nju Jork. Ai u deportua nga autoritetet izraelite pasi iu gjetën pajisje shpërthyese në një çantë shpine pranë ambasadës. I pandehuri akuzohet për planifikimin e një sulmi në ambasadën tonë në Izrael, duke kërcënuar me vdekje amerikanët dhe jetën e Presidentit Trump”, tha Prokurorja e Përgjithshme Pamela Bondi. Arrestimi vjen vetëm pak ditë pasi një person i armatosur vrau dy diplomatë, anëtarë të stafit të ambasadës izraelite jashtë një muzeu hebraik në Uashington DC. Zyrtarët federalë thonë se zoti Neumayer mbërriti në Izrael në prill dhe më 19 maj u drejtua për në Ambasadën e SHBA-së në Tel Aviv me një çantë shpine me ngjyrë të errët. Pasi është konfliktuar me një roje të ambasadës 28-vjecari ka lënë cantën brenda së cilës u gjetën tre kokteje Molotovi. Nga hetimet rezultoi se ai kishte edhe postime në rrjeteët sociale ku zotohej se do të "digjte ambasadën në Tel Aviv". Zyrtarët thonë se Neumeyer kërcënonte o ashtu përmes postimeve të tij se do të vriste Presidentin Trump. 28-vjecari përballet me një dënim maksimal prej 20 vitesh burg në rast se gjendet fajtor për akzuar dhe dënohet.