Mbrëmjen e së dielës pronari i një lokali në Shijak ka rënë pre e një kërcënimi me armë. Në denoncimin e bërë në policinë e Shijakut ai thotë se ka qenë ora 22.10 e mbrëmjes kur në afërsi të liqenit të Rubjekës, ndërkohë që lëvizte me automjet, për të shpërndarë në banesa, personelin që punonte në lokalin e tij, një shtetas ende i paidentifikuar e kishte kanosur me armë zjarri.