Mjaftuan vetëm pak minuta pas lëshimit që raketa gjigante e Space X të shpëthente në ajër, duke dështuar totalisht projekti i cili do të shënonte histori. Starship, raketa më e fuqishme e ndërtuar ndonjëherë, shpërtheu gjatë provës së dytë që u bë, pas hapit të parë i cili u anulua të hënën, për shkak të problemeve teknike. Në të dhënat paraprake të raportuara, thuhet se raketa nuk arriti dot të ndahej nga pjesa tjetër përforcuese Super Heavy, ndërsa motorrët nuk funksiononin të gjithë. Ekipi priste me padurim që gjithçka të shkonte mirë, ndërsa monitoronin në detaje situatën. Pjesë e tyre ishte edhe shefi i Space X, Elon Musk, i cili reagoi pak pas dështimit të projektit që ka kushtuar miliona dollarë. Teksa falënderon ekipin e kompanisë së tij, ai njoftoi se nuk do të heqë dorë nga qëllimi i tij. Pamjet: AFP