Presidenti i Shteteve të Bashkuara të Amerikës, Donald Trump, priti në Shtëpinë e Bardhë, në takime të ndara, kryeministrin e Izraelit, Benjamin Netahyanu, dhe Presidentin ukrainas, Volodymyr Zelensky. "Të dy takimet ishin pozitive dhe produktive”, njoftoi Shtëpia e Bardhë menjëherë pas takimeve të Trump në Zyrën Ovale më dy udhëheqësit. Ky është takimi i parë mes Trumpit dhe Netanyahut, që nga fillimi i luftës kundër Iranit më 28 shkurt, dhe i teti që nga fillimi i mandatit të dytë presidencial të Trumpit. Në fokus të bisedimeve mes dy udhëheqësve ishte konflikti me Iranin, prania e Izraelit në Libanin jugor dhe përpjekjet për zgjerimin e marrëveshjeve të Abrahamit. Netanyahu mbërriti në Shtëpinë e Bardhë vetëm pak minuta pasi prej aty u largua presidenti i Ukrainës, Volodymyr Zelensky, i cili u takua me homologun amerikan, Donald Trump. Në një reagim pas takimit me Trump, presidenti Zelensky tha se diskutuan mbi rëndësinë e mbrojtjes së ukrainasve dhe se si SHBA mund të ndihmojë Ukrainën me sisteme të mbrojtjes kundërajrore dhe kundër-raketore.