“Rusani i Perëndive”, është këngë e Djemve të Delvinës dedikuar objektit të kultit simbol të identitetit dhe kujtesës së Delvinës, xhamisë së Gjin Aleksit që dëshmon harmoninë kulturore dhe fetare ndër shekuj të qytetit. Pikërisht këtë këngë, grupi polifonik e regjistroi një vit më parë në Teqenë e Kuzum Babasë në Vlorë për kompozitorin Ludëig Goransson. Zarik Bajo - Kompozitori mori disa grupe në Vlorë, na ftuan edhe neve për regjistrime. Çdo grup kishte një ditë në dispozicion. Bëmë këngën që na kërkoi ai, notat muzikore. Ishte shumë inteligjent, e njihte mirë këngën labe dhe katër elementët e saj. Djemtë e Delvinës tregojnë për Top Channel se nuk e dinin se për cilin film po regjistroheshin zërat e tyre. Ata na dërgojnë foton e realizuar me kompozitorin e njohur dhe na flasin për bashkëpunim e frytshëm me të. Zarik Bajo – Komunikimi ka qenë shumë i mirë dhe i hapur, sikur flisnim me shqiptarë, kishte dhe një përkthyes aty. Na e bëri shumë të lehtë sepse ne kishim emocione.