Edhe nëse protestat përfshijnë djegien e librit të shenjtë Kuranit, suedezët sërish kanë të drejtë t’i zhvillojnë ato. Gjykata Supreme e Suedisë hodhi poshtë vendimet e policisë për ndalimin e dy protestave që planifikonin të bëheshin në muajin shkurt dhe që përfshinin djegien e Kuranit, duke shpjeguar se shqetësimet e sigurisë nuk mjaftonin për të ndaluar të drejtën e protestave. Djegia e librit të shenjtë të Islamit jashtë ambasadës turke në Stokholm në janar zemëroi botën myslimane, si dhe ndezi javë të tëra protestash dhe bojkotin e mallrave suedeze, si dhe pengesën e anëtarësimit të Suedisë në NATO. Policia suedeze refuzoi të autorizonte djegien e Kuranit jashtë ambasadës turke dhe irakiane në stokholm në muajin shkurt duke thënë se protesta e janarit e kishte kthyer suedinë në shënjestër për sulme. Politikanët suedezë dënuan djegien e Kuranit, por mbrojtën të drejtën për demonstrata. Vendimi i gjykatës supreme vjen në kohën kur Shërbimet e Sigurisë Suedeze lajmëruan arrestimin e pesë islamistëve më herët gjatë të martës. Sipas shefes së shërbimeve së sigurisë ata po planifikonin sulme terroriste Pamjet: AFP