Këshilltari tregtar i Donald Trump, Peter Navarro, u përpoq ta minimizonte grindjen me Elon Musk, duke u thënë se pronari i Teslës ishte thjesht “një punonjës i posaçëm qeveritar me një datë skadimi”. “Njerëzit vijnë e shkojnë në Shtëpinë e Bardhë”, tha Navarro ndërsa theksoi gjithashtu se kritikat e Musk ndaj projektligjit të Trump, i cili është cituar si një pikë konflikti mes tyre, mbi politikën e brendshme janë të pabaza dhe nuk ka arsye për shqetësim. Musk, të cilit iu dha një titull i posaçëm qeveritar për të drejtuar Departamentin e Efikasitetit të Qeverisë, u largua zyrtarisht nga administrata javën e kaluar. Theksojmë se Musk e përshkallëzoi së fundi sherrin me administratën duke postuar një sondazh që shtronte pyetjen: “A është koha për të krijuar një parti të re politike në SHBA, e cila të përfaqësojë realisht 80% të popullsisë”. Më shumë se 400,000 persona iu përgjigjën sondazhin e 83.4 përqind e tyre shpreheshin në favor të krijimit të një boshti të ri politik në vend.