Chey Tae-Won, presidenti i kompanisë së dytë më të madhe në Korenë e Jugut, SK Group, është urdhëruar nga një gjykatë koreane t’i paguajë ish-gruas 565 milionë dollarë në një çështje që mediat lokale e kanë quajtur “divorci i shekullit”. Shpërblimi, i cili ende duhet të finalizohet, është nën shumën fillestare prej 830 milionë dollarë që Chey Tae-ëonit iu tha t’ia paguante Roh Soh-yeongut në vitin 2024. Vendimi ndodh më shumë se një dekadë pasi martesa e tij me Roh - vajzën e një ish-presidenti - u prish pas zbulimit se ai kishte pasur një fëmijë me një grua tjetër. SK Group drejton SK Hynix, gjigantin e gjysmëpërçuesve që furnizon me çipa Nvidian dhe së fundmi bëri debutim rekord në tregun e aksioneve të SHBA-së. “Chey Tae-ëonit i vjen shumë keq që procedurat [e divorcit] deri më tani kanë shkaktuar shqetësim te shumë njerëz. Ne do të japin përgjigje specifike ndaj vendimit pasi ta shqyrtojmë nga afër”, kanë thënë avokatët e tij. SK Group është një nga konglomeratet e mëdha familjare të Koresë së Jugut, të cilat dominojnë ekonominë e vendit. Renditet si kompania e dytë më e fuqishme pas Samsungut.