Shefi i Agjencisë Ndërkombëtare të Energjisë Atomike (IAEA) Rafael Grossi takoi presidentin ukrainas Volodymyr Zelensky në qytetin Zaporizhzhia. Me anë të një postimi në Twitter zbuloi se takoi presidentin e vendit tashmë në luftë, me termocentralin më të madh bërthamor në Evropë. Impianti ka humbur disa nga kabllot e tij të transmetimit të energjisë gjatë luftës dhe në shumë raste i është dashur të kalojë në gjeneratorë të urgjencës me naftë. Grissi në një postim në Twitter shkruan se ata diskutuan për mbrojtjen e uzinës dhe stafit të saj, duke shtuar se ai përsëriti mbështetjen e plotë të IAEA për objektet bërthamore të Ukrainës. "Unë takova Zelensky sot në qytetin e Zaporizhia dhe pata një diskutuam për mbrojtjen e termocentraleve bërthamore në Zaporizhia dhe stafit të tij. Unë përsërita mbështetjen e plotë të Agjencisë Ndërkombëtare të Energjisë Atomike për objektet bërthamore të Ukrainës", shkroi ai në Twitter. Ata vizituan gjithashtu hidrocentralin Dnieper, ku vlerësuan dëmet e fundit të shkaktuara në digë. Prej më shumë se një viti lufta në Ukrainë ka shkaktuar dëme të pallogaritshme. Infrastruktura vendase është e shkatërruar, ndërsa numri i viktimave rritet çdo ditë. Edhe pse kanë kaluar shumë muaj shpesh qytetet ukrainase përballen me sulme të vazhdueshme, të cilat përqëndrohen në zona të caktuara. Pavarësisht diskutimeve dhe sanksioneve të vendosura ndaj Rusisë, ende ajo nuk është tërhequr nga Ukraina. Ushtarët rusë janë të vendosur atje që nga 24 shkurti. Pamjet: AFP