Punonjësit e shpëtimit vazhdonin sot kërkimin e të mbijetuarve në qytetin francez Sanary-sur-Mer, ku një ndërtesë banimi tre-katëshe u shemb mbrëmë papritur. Një burrë u vra dhe dy të tjerë janë të zhdukur pas shembjes tragjike e cila dyshohet se ka ardhur nga një shpërthim gazi. Një grua, një foshnje dhe tre persona të tjerë u plagosën në shpërthimin që u dëgjua më shumë se tetë kilometra larg në qytetin mesdhetar. "Ishte si një shpërthim bombe, një zhurmë shurdhuese," tha një dëshmitare banore e zonës. Ndërsa drejtori i aurtoritetit rajonal Houda Vernet, tha për rrjetin AFP se me shumë gjasa viktima i konfirmuar, është babai i fëmijës së plagosur. Autoritetet shtuan se dy njerëzit ende të humbur janë “një nënë dhe një grua e moshuar”, që jetonin në katin e poshtëm të ndërtesës. "Deri tani nuk kemi gjetur shenja jete nga rrënojat por dhe beben kur e shpëtuan nuk e kishim dëgjuar," tha koloneli i shërbimit të zjarrfikësve Eric Grohin. "Duhet të punojmë me kujdes, të avancojmë haq pas hapi për të arritur te të mbijetuarit ose viktimat”, shtoi ai.