Përplasjet për çështjen e dinarit mes Prishtinës dhe Beogradit kanë vijuar edhe këtë të mërkurë. Kësaj here ishte Banka Popullore e serbisë ajo që hodhi akuza në drejtim të qeverisë së Kosovës. Shkak u bë ndalimi I hyrjes së një shumë dinarësh në territorin Kosovar që do të përdorej për kryerjen e disa pagesave për qytetarët serb. “është e nevojshme që menjëherë të shfuqizohen masat diskriminuese, të paligjshme dhe të egra të ndërmarra nga institucionet në Prishtinë për të mundësuar transportin dhe shpërndarjen pa probleme të dinarëve dhe për të parandaluar mohimin e kushtet për jetën e popullatës serbe në Kosovë”, deklaroi Banka Popullore e Serbisë. Por për zv/kryemionistrin Besnik Bislimi ky veprim ishte i njëanshëm dhe I pakoordinuar. “Nuk ka dyshim se kjo dёrgesё e tillё, pa asnjё koordinim, paraqet njё hap unilateral tё Serbisё, me qёllim tё shkeljes flagrante tё funksionalitetit tё institucioneve tё Republikёs sё Kosovёs, synon krijim artificial tё tensioneve dhe si e tillë meriton tё dёnohet ashpёr nga gjithsecili qё kundёrshton hapat unilateral.”, shkroi ai në rrjetet sociale. Nga 1 shkurti Banka qëndrore e Kosovës vendosi që monedha e vetme që lejohet për kryerjen e pagesave me para të gatshme të hetë euro. Sipas kësaj rregulloreje, vetëm institucionet e licencuara në Kosovë mund të kryejnë importin dhe eksportin e valutave. Por vendimi është kundërshtuar nga ndërkombëtaret.