Lufta në Ukrainë vijon të mbetet në fokus të NATO-s, teksa sekretari i Përgjithshëm i aleancës veriatlantike, Mark Rutte, u bëri thirrje partnerëve perëndimorë që të ofrojnë më shumë mbështetje për Ukrainën me fillimin e dimrit. Duke folur pas takimit me presidentin letonez Edgars Rinkiewicz në bazën ushtarake Adazi, Rutte paralajmëroi se presidenti rus Vladimir Putin “do të përdorë dimrin si armë”. Sekretarii Përgjithshëm tha se Rusia do të përpiqet të shkatërrojë sistemin e furnizimit me energji të Ukrainës. “Kjo është arsyeja pse ne duhet të rrisim mbështetjen tonë për Ukrainën, duke përfshirë mbrojtjen ajrore për të mbrojtur infrastrukturën kritike. Për të forcuar aftësitë e tyre mbrojtëse, anëtarët e NATO-s duhet të rrisin shpenzimet e tyre të mbrojtjes dhe të rrisin prodhimin e armëve”, është shprehur ai. Sekretari i Përgjithshëm i NATO-s komentoi gjithashtu perspektivat e Ukrainës për t’u bashkuar me aleancën. “Kjo është një rrugë e pakthyeshme drejt anëtarësimit të Ukrainës në NATO. Po ndërtojmë një “urë” me ndarjen e 40 miliardë eurove, me të gjitha marrëveshjet që aleatët kanë lidhur me Ukrainën në nivel dypalësh. E gjithë kjo është një kontribut për të ardhmen e Ukrainës në NATO”, theksoi ai.