Autoritetet e Mianmarit dogjën një sasi të madhe drogë të paligjshme me vlerë 446 miliardë dollarë, edhe pse kanë deklaruar se nuk po arrinin të ndalonin një rritje të prodhimit dhe trafikimit të narkotikëve. Grumbujt e heroinës, kanabisit, metamfetaminës dhe opiumit u dogjën në qendrën tregtare Yangon, në një spektakël vjetor për të shënuar Ditën Ndërkombëtare Kundër Abuzimit të Drogave dhe Trafikimit të Paligjshëm. Rajoni kufitar "Trekëndëshi i Artë" midis Mianmarit, Laosit dhe Tajlandës ka qenë prej kohësh një vatër e prodhimit dhe trafikimit të paligjshëm të drogës. Analistët deklaruan se ushtria, e cila rrëzoi një qeveri të zgjedhur dhe mori pushtetin në vitin 2021, nuk ka bërë përpjekjet maksimale për t'i dhënë fund tregtisë fitimprurëse. Autoritetet në Tajlandën fqinje raportuan se shkatërruan 32 ton drogë të paligjshme, me një vlerë prej rreth 607 milionë dollarë. Pamjet: AFP