Një zjarr i madh ka përfshirë mijëra sipërfaqe toke, në fshatin Zhamë të bashkisë Lushnjë, pasditen e së martës. Përhapja e zjarrit është ndihmuar nga erërat e forta, ndërsa janë djegur sipërfaqe të konsiderueshme toke me ullinj dhe pemë të ndryshme duke rrezikuar edhe djegien e banesave. Në këtë mënyrë Policia urdhëroi evakuimin e banorëve të zonës. Forcat blu arrestuan edhe 58 vjeçarin me iniciale R.Z, i cili dyshohet si shkaktari I zjarrit. Banori kishte ndezur një zjarr për të djegur mbeturina dhe më pas I ka dalë jashtë kontrollit. Zjarri është vënë nën kontroll në pjesën më të madhe të tij, ndërsa problematike mbetet zona veriore, e cila vijon të përparojë. Forca të ndryshme zjarrfikëse nga divjaka, rrogozina, lushnja dhe roskoveci po ndihmojnë në luftimin e flakëve, ndërsa dhe forcat e ndërhyrjes së shpejtë janë në terren. Në vendngjarje mbërriti edhe ministri i brendshëm taulant balla shoqëruar nga kryetarja e bashkisë Lushnjë, eriselda sefa.