Etiopia thotë se ka arritur objektivat e vitit të dytë për ndërtimin e digës gjigande në lumin Nili Blu, megjithë tensionet që çështja po shkakton me dy vendet më poshtë rrjedhës së tij, Egjipti e Sudani. Javes qe shkoi Këshilli i Sigurimit mbajti një sesion për digën në Nilin Blu një javë më parë, me kërkesë të Egjiptit e Sudanit. Lumi Nil furnizon Egjiptin me 85% të nevojave të tij për ujë. Tunizia, anëtar jo-i përhershëm i Këshillit të Sigurimit, dorëzoi nje draft-rezolutë ku i kërkohet Etiopisë pezullimi i punimeve në rezervuarin e digës deri në arritjen e një marrëveshjeje me fqinjet për operacionet. Egjipti kishte mbajtur paraprakisht një seri takimesh bilaterale mbi çështjen, dhe priste që Rusia dhe aleatët të tregonin mbështetje për qëndrimin e tij mbi digën, të cilën e konsideron si kërcënim ekzistencial.