Sean “Diddy” Combs ka kërkuar falje për sjelljen e tij “të pafalshme” pasi u bënë publike pamjet ku sulmoi këngëtaren Casandra “Cassie” Ventura. Ylli i repit tha se mori përgjegjësinë e plotë për veprimet e tij në videon e shpwrndarw. Combs shkelmoi dhe shtyri ish të dashurën e tij në korridorin e një hoteli. “Isha i neveritur kur e bëra. Jam i neveritur tani. Shkova dhe kërkova ndihmë profesionale. Shkova në terapi, në rehabilitim. Më duhej t’i kërkoja Zotit mëshirën e tij. Më vjen shumë keq”, tha ai në deklaratë. Teksa shtoi se ishte “i përkushtuar për të qenë një njeri më i mirë çdo ditë”. Sipas CNN, videoja e shpërndarë u filmua në hotelin tashmë të mbyllur në Los Angelos. Pamjet duket se tregojnë një burrë duke e hedhur Ventura në dysheme dhe duke e shkelmuar atë ndërsa ajo është në tokë. Ai më vonë tentoi ta tërhiqte zvarrë nga këmisha dhe t’i hedhë një objekt.