Avokati Sokol Mëngjesi u qëllua këtë mëngjes nga disa persona të paidentifikuar, në rrugën “Pjetër Bogdani” në kryeqytet. Ai po linte fëmijën në kopsht kur u rrah barbarisht nga autorët, që e gjurmuan që kur doli nga banesa e tij në zonën e ish-Bllokut dhe i zunë pritë. Incidenti ndodhi rreth orës 08:30 në kopshtin 31. Autorët, që paraprakisht dyshohet se ishin tre, e qëlluan 34-vjeçarin me dorezw metalike në kokë, duke i shkaktuar frakturw. Avokati po kurohet në Spitalin e Traumës, ku pritet t’i bwhen tw gjitha ekzaminimet e nevojshme. Nuk dihen ende rrethanat e ngjarjes, ndërsa policia ka nisur kërkimet për identifikimin dhe më pas kapjen e autorëve. Mëngjesi ushtron profesionin e avokatit prej vitesh, ndërkohë që ka zgjedhur të bëjë mbrojtjen e ish-kryeministrin Sali Berisha, në betejën ligjore me drejtësinë, pasi që prej dhjetorit të vitit të kaluar u la në arrest shtëpie pas hetimeve për privatizimin e ish-Kompleksit Sportiv, Partizani.