Top Channel në bashkëpunim me Fundjavë Ndryshe i janë bashkuar nismave solidarizuese për të ndihmuar Turqinë dhe Sirinë, pas tërmetit vdekjeprurës. Sot dhjetëra kuti me batanije dhe veshmbathje janë dërguar drejt dy vendeve. Një javë më parë Top Channel linçoi nismën e solidaritetit, ku u bëri thirrje qytetarëve shqiptarë për t’i ardhur në ndihmë popullit turk dhe sirian, ku me miliona njerëz janë prekur nga tërmeti i 6 shkurtit. Kësaj thirrjeje i janë bashkuar gjithsej 1200 qytetarë shqiptarë, të cilët kanë kontribuar në vlera të ndryshme monetare, duke kapur shumën e 100 mijë dollarëve, të cilat janë konvertuar në ndihma. Për gazetaren e Top Channel, Rudina Muça drejtori i “Fundjavë Ndryshe”, Arbër Hajdari falënderoi të gjithë qytetarët që iu përgjigjën thirrjes për ndihmë.