Detaje të reja kanë dalë në dritë nga krimi i rëndë në një familje shqiptare në Caserta të Italisë, ku bashkëshorti mbyti gruan e tij. Eleonora Toci, është 24-vjeçarja që mbeti e vdekur, pasi u mbyt nga Lulzim Toci, 30 vjeç. Viktima kishte vetëm një muaj që ishte bashkuar me 30-vjeçarin, i cili punonte në bujqësi në shtetin fqinj, sipas mediave vendase. Çifti kishte marrë një shtëpi më të madhe për të jetuar me fëmijët e tyre, 6 dhe 4 vjeç. Krimi i rëndë ndodhi në dhomën e gjumit të çiftit. Hetuesit thonë se vrasja me siguri është kryer teksa viktima ka qenë duke fjetur, version ky ende i pa verifikuar plotësisht. Fqinjët, sipas CasertaNews, nuk kanë dëgjuar britma apo debat nga çifti. Lulzimi pas vrasjes doli nga shtëpia dhe shkoi te kunata duke kërkuar ndihmë. Kjo e fundit mori në telefon Eleonorën, ku njëri nga fëmijët u përgjigj në anën tjetër duke thënë “babi vrau mamin”. Në atë moment kunata lajmëroi policinë. Karabinierët shkuan në vendngjarje dhe gjetën trupin e pajetë. I dyshuari u gjet në gjendje të rënduar, ndërsa është arrestuar për krimin e rëndë.