Burgosjen e Ervin Salianjit opozita e përdori për të rikthyer përsëri kaosin në parlament. Në sallën e kuvendit nuk hodhën flakadanë por shishe e copa letre në drejtim të kryetarës së kuvendit Elisa Sliropali e thyer foltoren. Duke suprizuar kolegët e tyre socialist e kapur në befasi shërbimet e gardës brenda në kuvend nisën ekzekutimin e planit të tyre mbajtur tejet sekret, prodhuar nga mbledhja e grupit parlamentar denokrat ora 15:00. Fillimisht u mendua se në formë proteste do të uleshin jashtë kuvendit por Flamur Noka dhe Gledion Nallbati pasi i spërkatën me benzinë karriget i vunë flakën. Ky ishte koementi i parë nga Gazment Bardhi me sfond karriget që digjeshin. Pas disa minutash zjarri u shua nga punonjësit e gerdës duke krjujuar një re te bardhë tymi. Deputetët e opozitës u rikthyen në kuvend duke bllokuar seancën e si pasojë kryetarja Spiropali njoftoi pamundësinë e vijimit. Deputetët e opozitës duke komentuar këtë aksion me djegien e karrigeve u angazhuan për vijimin e një klime të tensionuar si në komisionet parlamentare dhe në seancat e ardhëshme plenare. Rikthimi i kaosit në parlament me sa duket i jep fund qetësisë dhe paqes mes shumicës socialiste dhe opozitës e cila prodhi miratimin e amnistisë të burgosurve përfshi ndryshime të forta në kodin elektoral.