Mijëra njerëz ishin mbledhur sot në kryeqytetin italian Rome duke brohoritur kundër planeve për pajisjen e të qytetarëve me “kartën e gjelbër” të Covid-19, e cila do të jetë e detyruar që qytetarët të hyjnë në bare, restorante, pishina publike, ambjente sportive, muzeume, teatro dhe ambjente të tjera. Demonstrata kundër rregullave të reja janë planifikuar tashmë në më shumë se 80 qytete të Italisë, duke nisur nga dita e sotme. Protesta vjen pas mitingut madhor 'No Paura Day' (Dita e jo-frikës) një ditë më parë në Torino, ku mijëra njerëz protestuan kundër kryeministrit teknokrat Mario Draghi që prezantoi kufizimet e reja të “kartës së gjelbër”. Deri tani Italia përdorte dokumentin 'certificazione verde' (çertifikim i gjelbër) që kërkohej për udhëtim ndërkombëtar në Evropë dhe për hyrje në shtëpitë e të moshuarve, eventet me shumë njerëz, ndeshjet e futbollit apo dasma.