Kodrat përreth Delvinës dhe një pjesë e territorit të luginës së Kalasës janë kthyer në plantacione agrumesh dhe ullinjsh prej të paktën dy dekadash. Ulliri traditcionalisht ka qenë kulturë kryesore në këtë zonë dhe qindra fermerë jetojnë me të ardhura kryesore ato prej shitjes së ullirit dhe vajit. Të gjithë banorët në Bamatat dhe Vllahat fshatra të vendosura në hyrje të Delvinës po merren këto ditë me vjeljen e ullirit. Nevoja ditore për rreth 500 punëtorë përmbushet vetëm në masën 20%. Megjithëse pagesat ditore shkojnë nga 3000-4000 lekë për punëtor zona është pothuajse e shpopulluar dhe një pjesë e prodhimit rrezikon të ngelet pa u vjelur. “Vështirësi ka në tregëtimin e vajit të ullirit dhe mbase shteti duhet të mbështesë për krijimin e infrastrukturës, ndërtimin e ambjenteve për grumbullimin e vajit”. Kultivimi i ullirit në zonat e ulëta të luginës prej vitesh po prek rendimentin dhe nuk favorizon subvencionet.