Ikona e kinematografisë franceze, Alain Delon la pas një trashëgimi të pasur prej 90 filmash, duke përfshirë disa nga klasikët e mëdhenj të kinemasë botërore. "Le Samurai" është filmi më i mrekullueshëm i karrierës së Alain Delon, fama e të cilit mori ngjitjen në vitet 1960 kur konsiderohej si një nga burrat më të bukur në botë. Ishte regjisori Italian, Luchino Visconti që e futi në “Rocco and His Brothers”, një vepër e thellë social-realiste rreth një familjeje nga zonat rurale jugore të Italisë, që përpiqen të shkojnë në veriun industrial, film i cili u kurorëzua edhe me çmim në Festivalin e Filmit në Venecia. Dy vjet më vonë, Michelangelo Antonioni, e mori Delon në filmin Eclipse, duke fituar një tjetër çmim të madh të jurisë, këtë herë në Festivalin e Filmit në Kanë. Gjatë viteve 1990 ai luajti në disa filma komercialë, si “Makina e kërcimit” dhe “Kthimi i Kazanovës”. Pas disa dështimeve, Delon njoftoi tërheqjen e tij nga kinemaja në vitin 1997, megjithëse vazhdoi të merrte role herë pas here. Megjithatë, ishte gjatë kësaj periudhe që Delon u nderua me disa nga çmimet më prestigjioze që institucionet politike dhe kulturore mund të ofrojnë. Në vitin 1991, presidenti i atëhershëm francez, François Mitterrand e bëri atë një Kalorësi të Legjionit të Nderit. Katërmbëdhjetë vjet më vonë, Zhak Shirak e ngriti atë në gradën e komandantit për "kontributin e tij në artin e kinemasë botërore". Në maj 2019, ai bëri paraqitjen e tij të fundit të madhe publike në tapetin e kuq për të marrë një Palmë të Artë nderi në Festivalin e Filmit në Kanë. “Kur fillova karrierën time, e dija se gjëja më e vështirë ishte të zgjaste dhe zgjati 62 vjet. Tani e di që gjëja më e vështirë është të largohesh, sepse e di që këtë do të bëj”, tha aktori mes lotësh. Delon pati një fëmijëri të turbullt të karakterizuar nga divorci i prindërve dhe përjashtimet e shpeshta nga shkolla, përpara se të shërbente në marinën franceze. U përfol për lidhje me botën e krimit, ndërsa veçohet edhe miqësia që kishte me ish-udhëheqësin e Ballit Kombëtar Jean-Marie Le Pen. Afërsia me "Front National" i kushtoi me humbjen e reputacionit Alain Delonit duke i dëmtuar edhe karrierën. Jeta e tij e dashurisë ishte veçanërisht plot ngjarje. Shumë partnere, disa gra me të cilat solli në jetë 8 fëmijë.