Nga 30 qershori do të hidhen në qarkullim dy kartëmonedhat e serisë së re, 1000 lekë dhe 10 000 lekë, ku kjo e fundit përfaqëson edhe prerjen me vlerën më të lartë. Prezantimi i prerjeve të serisë së re të kartëmonedhave është bërë këtë te martë nga Banka e Shqipërisë, të cilat vijnë me një dizajn të ri. Veç pamjes moderne, dy kartëmonedhat e reja që do të përdoren si mjet pagese së bashku me kartëmonedhat ekzistuese, janë prodhuar me teknologjinë më të fundit dhe me elementë të shtuar sigurie për të shmangur falsifikimin e tyre.