Defekti kibernetik që përfshiu të gjithë botën këtë të premte, thuhet se është riparuar nga ana e Microsoft. Por problemet do të vijojnë. Nga kaosi kibernetik i quajtur kompjuteri blu, kanë probleme serioze Banka, kompani ajrore, telekomunikacioni, transmetuesit televizivë, radiofonikë dhe supermarketet që nga shtetet e bashkuara në europë, indi, australi dhe azi. CNN shkruan se disa linja ajrore të mëdha amerikane, ndaluan fluturimet në mëngjes për shkak të mungesës së komunikimit. Probleme u shkaktuan edhe në mesin e kompanive që veprojnë në europe. Ato lajmërojnë klientet e tyre që të informohen ndërsa chekin bëhet manualisht pranë aeroporteve. Në të gjithë botën shumë aeroporte janë në kaos nga rënia e shërbimeve dhe bllokimi i kompojuterave dhe linjave të komunikimit. Në gjermani, shtetet e bashkuara, spanjë, mbretërinë e bashkua, indi, australi dhe shumë vende aziatike situata u fut në kaos. Linjat ajrore aziatike janë prekur rëndë nga defekti. Nga 110 mijë fluturime ajrore në gjithë botën një pjesë shumë e madhe janë anuluar dhe po anulohen. Por defekti ka prekur edhe shërbimin e transportit hekurudhor por edhe spitalet dhe shërbimet e urgjencës. Në shtetet e bashkuara nuk funksioononte shërbimi 911. Microsoft tha se "shkaku themelor" që shkaktoi ndërprerjen globale "është rregulluar", duke shtuar se ndikimi i mbetur ende po prek disa shërbime. "Shkaku themelor është rregulluar, megjithatë, ndikimi i mbetur po vazhdon të prekë disa aplikacione dhe shërbime të Microsoft 365," tha Microsoft në një postim të premten X. Shtëpia e Bardhë thotë se është duke "shikuar" ndërprerjen e shkaktuar nga ndërprerjet kibernetike të mëngjesit të së premtes. “Ne jemi të vetëdijshëm për incidentin dhe po shqyrtojmë çështjen dhe ndikimet”, tha një zëdhënës i Këshillit të Sigurisë Kombëtare të Shtëpisë së Bardhë. Ndërkohë, qeveria e Mbretërisë së Bashkuar mbajti një takim urgjent të COBRA për të diskutuar ndërprerjen, tha Downing Street.