Reshjet e dëborës kanë shtuar intentistetin gjatë orëve të mbrëmjes, pothuajse në gjithë vendin nga veri në jug në lartësitë mbi 600 metra. I gjithë territori i Qarkut Kukës është i përfshirë nga reshje shiu dhe dëbore. Si pasojë e kushteve të motit të gjitha akset nacionale rrugore vazhdojnë të jenë nën trysninë e rënies së gurëve, inerteve dhe ngricave duke krijuar vështirësi në qarkullimin normal të mjeteve në disa segmente rrugore. Subjektet kontraktore kanë punuar gjatë gjithë kohës me të gjitha kapacitetet për mbajtjen funksionale të rrugeve. Të gjitha akset rrugore nacionale janë të qarkullueshme normalisht, po drejtuesit e automjeteve kanë hasur vështirësi. Një makinë ka dalë nga rruga në mbrëmje në vendin e quajtur “Ish-Uzina e Bakrit” në Kukës. Në Bulqizë reshjet e dendura të dëborës janë shoqëruar me erë të fortë. Trashësia e dëborës në qytet ka arritur 15 centimetra, ndërsa në zonat e thella intenstiteti I dëborës ëhstë më I lartë duke arritur deri në 40 centimetra. Edhe ne Zonen e Kalase se dodes trashesia e dëborës ka arritur mbi 30 cm. Aksi peshkopi- Kala e dodes -Kukes është i kalueshem vetëm me zinxhire, ndërsa rrugët e tjera kryesore janë të kalueshme. Vazhdojne me intensitet reshjet e debores edhe ne zonat malore te Librazhdit. Ne Fushë Studë trashësia e borës ka arritur ne 20 cm. Borepastrueset po vijojne punen per ta mbajtur të hapur aksin rrugor nacional Librazhd -Peshkopi. Reshjet e dëborës janë shtuar gjatë mbrëmjes edhe në juglindje të vendit. Në korcë dëbora ka arritur rreth 2 centimetër në qytet ndërsa në zonat malore deri në 15 centimetër.