Voskopoja fshati turistik pranë Korçës këtë fundjavë u mbush me pushues. Në mëngjes fshati u zgjua i zbardhur ndërsa në pak orë vizitorë nga të gjitha grupmoshat e qytetet e Shqipërisë ju drejtuan për të pushuar e për tu argëtuar. Bora që vazhdoi e dendur në fshat të ofron pamje nga më të ndryshmet. Fëmijë e të rinj që luajnë, të tjerë që bëjnë foto, banorë në rutinën e tyre të pastrimit apo edhe makineri që lëvizin ngadalë teksa hapin rrugën. Si çdo dimër në këtë fshat bora kthehet në atraksion dhe duket se janë të shumte ata që e shijojnë Por bora shton edhe shpresat për operatorët turistikë të cilët po gjejnë alternativa të reja për ta bërë sa më interesant qëndrimin e pushuesve ne fshat Rruga drejt Voskopojës është hapur dhe nuk ka sjellë vështirësi për automjetet por ndryshe ka ndodhur me fshatin tjetër turistik të Dardhës ku bora që përfshiu pjesën më të madhe të qarkut beri qe rruga të kalohet vetëm me zinxhirë